عسى ماازعلتك البارح .. وزودت الجراح جراح..

عسى ماازعلتك البارح .. وزودت الجراح جراح ،،
عسى مامرت الدمعة على أهدابك من أسبابي

جرحتك من كثر شوقي وخليت الكلام رماح ،،
ولاادري شلون ياعمري طعنتك حيل بعتابي

بدون شعور صدقني ترى كثر الغلا ذباح ،،
تعال وشوف بغيابك غلاك شلون سوى بي

حرام تغيب من عمري وتعطيني الفراق وشاح ،،
حرام الدمع في عيني مناديله هي آهدابي

غيابك يشغل عيون الزوايا وامتلي اشباح ،،
وأنا انثر صوتك بقلب المكان واشعلأابوابي

تلفت للأمل دام الرجا في عمري المنواح ،،
اناديلك ولو شرهت وصولك تقطع أعصابي

أبيك الجاي من عمري أنا ماابيك شي وراح ،،
مادامك أجمل وآخر مادامك أول أحبابي

أبي أرتاح ياعمري أنا أدري هم تبي ترتاح ،،
تعال وقبل ماافرح ترى تفرح بك ثيابي

أحبك يابعد عمر الحزن والجرح والأفراح ،،
أحبك أحبك كثر مانامت عيونك داخل أهدابي

أحبك أحبك كثر مانامت عيونك داخل أهدابي

راق لي ماخطته يداك

يسلمو ع مرورك ..

يع’ــــطيكـ العاااافيهـ ع الطرح..

لاعدمناااك يالغلاااا..

دمــــــــــتي بوود...

يسلمو ع المرور غاليتي